प्रार्थना PRAYER गगनसदन तेजोमय

प्रार्थना PRAYER 

गगनसदन तेजोमय 

गगनसदन तेजोमय

तिमिर हरून करुणाकर

दे प्रकाश देई अभय

छाया तव, माया तव

हेच परम पुण्यधाम

वार्‍यातून तार्‍यांतुन

वाचले तुझेच नाम

जगजीवन जनन-मरण

हे तुझेच रूप सदय

वासंतिक कुसुमांतून

तूच मधुर हासतोस

मेघांच्या धारांतुन

प्रेमरूप भासतोस

कधि येशील चपलचरण

वाहिले तुलाच हृदय

भवमोचन हे लोचन

तुजसाठी दोन दिवे

कंठातील स्वर मंजुळ

भावमधुर गीत नवे

सकलशरण मनमोहन

सृजन तूच, तूच विलय